محكية حب.... للمبدعة إنصاف قرقناوي

محكية حب

بحبك عدد ما غردو عصافير..

و قد ما نزل مطر..

و سافرت بشر..

و راحت مشاوير..

بحبك كأنك عمر..

و ضحكة قدر..

و نسمة عطر..

و لهفة قلب..

عم ينبض نبض..

ناطر فرج لحظة لقا..

تخليه من الفرحا يرقص..

و إتخيل حالي الأميرا..

وانت حبيبي الأمير..

بحبك لأنك إلي..

و لأنك دني..

حلوي بالبهجي مزيني..

و نظرا من عيونك حبيبي..

بتنسيني هم كبير..

بحبك مبارح و اليوم..

و عا بكرا الصبح بكير..

بحبك و كل ما قلت بحبك..

بحس الكون قدام هالكلمي صغير..

انت ياللي خليت هالقلب..

من رفة حب يطير..

إنصاف غسان قرقناوي