/ هالغزل مسموح / محكي
بدفتر حياتي طرّزت كل الورق
بريحة عشق ومطعمة بريحة حبق
تا صار إسمك عا شفافي يسوح
متل العسل من شهد عينيكي اندلق
وقلّي يا شاعر هالغزل مسموح
مازال قلبك بالأصل فيها انخلق
وحتى الأبد بابو إلك مفتوح
وحبي إلك متل الخمر كل ما عتق
بيصير كاس الشوق عم بيفوح
ريحة حنين النوم من عيني سرق
ولمّا القمر شافك معي يا روح
من غيرتو عاف السما ونجومها
قام وشلح حالو ع صدرك واحترق .
- عيسى فضة -
ليست هناك تعليقات:
إرسال تعليق