/ و - ط - ن /
يا ابني تلات حروف بيصيروا وطن
اشتري ولا تبيع ولو غلّوا التمن
لمّا يا إبني طل الله ع الوجود
صب الدني بكّير من فكرو وصفن
جاب المدى للكون حطلّو الحدود
ومن يومها شمّر عن زنودو الزمن
وصار بكرامة يحفر بمعول خلود
بتراب أرض الشام تا عمّر وطن
- بالواو وقّفلي ع برج سهيل
تا نقطف من الليل نجماتو
شد الزمن واكبح جموح الليل
وجيب الشمس ع خيول عتماتو
كون الحصن من كل ميل وميل
وخود العمر من موتة الماتو
وابني الوطن بالروح واكتب عالحياة
هيدى أنا وهوّي الوطن ذاتو
- بالطه طمنّي عن الإنسان
وأبقى معي ع الخط بالعالي
خود الصلابه من صخر صوّان
وجيب الليونه من هوا شمالي
وعمّر وطن وأعطبه من عمرك غلا
تتضل بعيون الدني غالي
- بالنون نسّيني شقى الأيام
وحنّي بلون الشمس صابيعك
وقبل ما تنطفي شموع الكلام
بدي بنصيه ودعك وبقول
لو بعت ذرة من الوطن
يا ابني الوطن بالرخص بيبيعك . عيسى فضة
ليست هناك تعليقات:
إرسال تعليق