جاني الخبر جاني . . استشهد حبيب الروح
استشهد حبيب القلب . . راح .. وخلاني
سافر .. وما ودعني . . وع البيت ما حدر
تارك حزن بالدار . . مكتوب ومقدر
حاكيتو .. ما حاكاني . . وعلي ما سلم
تارك جرح بالقلب . . وشم .. ومعلم
................................................
دخلك يا رب تعين . . غيرك ما إلنا معين
رحمان يا رحيم . . ترأف بأحوالي
يا ضنى أمك . . يا خليل القلب
يا وليف الروح . . لا تروح وتنساني
ما في حدا بالدار . . شعلت بقلبي النار
يا رب يا جبار . . ما لي حدا تاني
...........................................
لملمت حالي وجيت . . دقدس عن خبارو
أسأل بواب البيت . . ترد أحجارو
ع مهل ع السكيت . . بين العسى ويا ريت
ادعي يا رب البيت . . طمني عن حالو
طش الخبر بالحي . . قالو ع مهل شوي
بعمر الورد يا خطي . . يا حوينة شبابو
....................* * ........................
جابو النعش جابوووه . . واصطف هالعسكر
حملو النعش ع كتاف . . تابوت ،، ومسكر
فارس ع جنح الخيل . . متل القمر بالليل
مركب وحولو سيل . . والبحر متعوكر
شب يخزي العين . .اسمر كحيل العين
ما في خيو تنين . . شب .. ومكتر
الرز .. ع الميلين . . غار وورد ع جبين
وبين الوفا والدين . . الكون متمسمر
بيو بلهفه وشوق . . شو هلل وكبر
دمعاتو جوا العين . . والقلب متكسر
يقلو .. بعد بكير .. ع السفر
بعد بكير .. تروح وتفارق
كسرت ضهري وسلبت هالروح ..
والقلب تاركو .. بالحزن غارق
حر الدمع .. متل الجمر بالعين ..
العقل مسحور ... موت الضنى حارق
ثطلع بحسره يسألو .. ويقول
بينك .. وبين الموت ..
مين سابق .. وسارق
اجانا الموت .. والموت لما يجي
متل السهم .. خاطف ومارق
قلو يا ابني .. بحق رب الكون
قوم أقتل الموت .. وأستقبل ضيوفك
انهض من نومتك .. وخليك لا تفارق
....................* * . ......................
هللت ع قدومك . . اهلا بعريس الزين
اهلا يا نور العين . . أنا كتير مشتاقه
اهلا يا نجم سهيل . . يا مورد الخدين
النار جوا القلب . . والدمعه حراقه
طليت يا غالي . . يا ضنى أمك
حلفتك بالعالي . . و ب غلا دمك
خليك عنا اليوم . . اليوم بس اليوم
لا عتب ولا لوم . . بس شمك وضمك
.................................................
تبسم عريس الزين . . ضحكولو رفقاتو
محبوب شبل الأسد . . مهيوب بخطواتو
ع جسمو لابس ..علم . . مخضب .. بدماتو
مرفوع رأس البطل . . يسعدلي أوقاتو
قلي يا أمي . . لا تحزني وتبكي . .
ترضي يا أمي .... ووصى خياتو
مرضي حبيب أمو . . اللي سابح بدمو
خايف علينا . . تغرقنا دمعاتو
....................................................
سمعتو ل بيو يقول . . أوعا تنساني
كل ما صليت . . بتعرف عنواني
يا بوووه يا جبار . . يا كاتم الأسرار
دخلك لا تنهار . . بتهز اركاني
................ * * .........................
ياام اليتامى . . يا سمين وخزامى
تاركلك رساله . . يا أحلى الاقدار
يا ولادي الحلوين . . يا زينة هالدار
سوريه بلدنا . . وقائدنا بشار
بعزه .. وكرامه . . ومعها شهامه ..
منحمي بلدنا . . ومنكفي المشوار
.............................................
ما لك بالعاده . . ما لك بالعاده . .
تتركنا وتروح . . ما لك بالعاده
اخترت الشهاده .. أخترت الشهاده. .
القلب مجروح . . الدمعه وقاده
الوطن غالي . . الوطن غالي . .
هيك كان يقول . . وشويه زياده
مع السلامه . . مع السلامه . .
يا وليف الروح . . يا أغلى حبابي
،........................................
الله عليك يا دني ،، ما أظلمك ..
لما الغالي يموت .. بأيدي الرخيص
الله عليك يازمن .. يوم المحن
العدل .. بيد الندل .. وإسمو حريص
بيبقى الرجا .. يوم المنى .. يكون الشفا
كما يعقوب .. من ذاك القميص .
........................* * ...........................
بقلمي/ عدنان رجب ريشه /
ليست هناك تعليقات:
إرسال تعليق