صباحك يامصر قشطه وحليب
---------------------------
-- يابلد كل الحبايب قريب وغريب
-- نهارك طالعه شمسه
ومفيش زعابيب --
وليلك حلو همسه
وللعاشق بيطيب --
واكمنى المحبه كتير --
ماليكى العز والخير --
ادى النعمه
والضجكه الناعمه - -
والطير ف سماكى بيطير -
- ونيلك بالميه بيروى الوادى الخصيب
-- وحلاوتك وانتى شملوله
ومنقوله
من رهبه لترغيب -
- وفيكى الراحه معقوله
بعد التعب بتطيب --
ياورد مفرقه عمرى
ع الكون والناس -
- ياصبر ريحنى بدرى
وملانى احساس --
التبر ماليكى يابلدى ومعاه الماس
-- يامالكه الدنيا بمحبه -- ف قلوب الناس
-- وعزك يابلدى قوه وجاه
-- نعمه ووهبالك دايما الله -
- مفيش جواكى الم ومتاه--
وعايش حواليكى الامل-- يبلغ مناه
-- صباحك يامصر قشطه وحليب -
- يابلد كل الحبايب قريب وغريب
--------------
الشاعر \\\ عبد العليم ابو عبده
كلماتى ومسجله باسمى
ليست هناك تعليقات:
إرسال تعليق