محاولة باللهجة المحكية
.......
حبيبي
اللي بحبو وبحب حبو الي
بيوم تغزل فيي وقلي ..
تقبري قلبي
وياويل قلبي انا وين عيش
اذا بدي اقبر قلبك
مابتعرف انا من دون قلبك
بموت
بيوقف عمري
قلبك
بيتي
وطني
انت اللي نقشت حروف اسمي عليه
كيف اقبر قلبك
وكتار دقوا بابوا
وضل مسكر
وانا اللي فتحتو الي
وسكنتو وعليي تسكر
حروف كلماتي كلها لقلبك
وين تروح فيها
وين تخبيها
اذا بدي اقبر قلبك
ياويل قلبي
اللي جن بقلبك
وطيبتو
والحب اللي بيحويه
ياقلبي
وعمر قلبي
اللي كل مادق بيذكر اسمك
بحلم كفي عمري حدك
وياريت عمري يكفي
حتى ضل حبك ..
..........
عهد
ليست هناك تعليقات:
إرسال تعليق