هلال البنا مع
صوصه......................
هي صوصه ولافيش غيرها
زي الروح على طول جوانا
شوفوا جمالها و شوفوا دلالها
شفت إزاي على طول شغلانا
آهي دي صوصه
ولما تطل بس علينا
تلقى النور ساطع ف عنينا
ولما تعدي بس وتشوفنا
الأنوار بتهل حوالينا
آهي دي صوصه
دي حلاوتنا وزينة بيتنا
وياما إدتنا وياما لاعبتنا
راحت إيجت آهي شغلتنا
وهي معانا نقول وحشتنا
آهي دي صوصه
صوصه دنيتنا وصوصه فرحتنا
صوصه صوصه دي حبيبتنا
ولآ فيش غيرها بس حدانا
نبقى معاه وتبقى معانا
آهي دي صوصه
دايما في سيرتها وخدانا
سيرة صوصه هي هوانا
ويامحلاها حلوه حلاوه
زي نجوم الكون في سمانا
آهي دي صوصه
هي الشمس وهي قمرنا
وهي البركه حوالين دارنا
وهي مجره وهي مدارنا
وهي آثارنا وهي مزارنا
آهي دي صوصه
صوصه النيل ومنها شربنا
صوصه الأرض وفيها زرعنا
وصوصه البحر وصوصه البر
وصوصا الماضي ومستقبلنا
آهي دي صوصه
عيشين فيها ويا شقانا
والحب ليها هو دوانا
نبقى معانا وتبقى معاها
وانموت فيها ويبقى منانا
آهي دي صوصه
هانطير فوق ونعلا ياصوصه
واندور ويا مدارنا ياصوصه
والنور يطلع والناس تسمع
وهاننشد وانغني يا صوصه
آهي دي صوصه
هي صوصه ولافيش غيرها
زي الروح على طول جوانا
شوفوا جمالها وشوفوا دلالها
شفت ازاي على طول شغلانا
آهي دي صوصه
....................... صوصه
تحياتي هلال البنا
ليست هناك تعليقات:
إرسال تعليق