بقلمي هلال البنا في
........... أبو شال
كان ماشي وعمال يتمايل
وعصايته وعلى كتفه الشال
بيقول ويغني و كلامه
بيردد أجمل موال
شايل على كتفه وفي قلبه
أتقل من حملك ياجبال
مواله وكلامه سلامه
ونفسه تتحقق أحلام
متنقي كلامه وبيفكر
ويبص على طول لقدام
مكتوب بالراحه ومتسطر
من غير أوراق وأقلام
وف لحن طبيعي ومتصور
زي التصوير والأفلام
والخطوه جريئه ومتغندر
والصوت رنان
ومعلم شايل على كتفه
حمل الفرسان
كان كاتم همه من صغره
ولا مره انهان
وجمال وحلاوة مواله
فيه حمل جبال
تعبير بيعبر على حاله
بس كله جمال
بيقول عالشيله اللي شايلها
وعلى كتفه الشال
وعصايه في إيده بينقلها
زي الأبطال
وكلام بيقوله وبيغني
يضرب أمثال
وكلامه زي ميكون عني
عارف الأحوال
ومعلم زي ميكون عامل
عني الموال
موال مفهوم واضح ساهل
زي نور هلال
وانا فاهم أصلاً مش جاهل
كل اللي اتقال
والدنيا دي مش تستاهل
حزن وأهوال
وانا صابر على بختي وراضي
عندي استحمال
ومش تاعب نفسي على الفاضي
وليه استعجال
أبو شال كان شايل
ومعدي بيقول موال
شايل على كتفه وفي قلبه
حمل وأهوال
بيقول مواله وكلامه
على وزن هلال
والصوت بيرن وبينو ور
زي بدر. كمال
واللحن جميل وبيدندن
أنغام ودلال
والحلو ابو شال وعكاز
صاحب الموال
كان ماشي وعمال يتمايل
عكاز مع شال
على كتفه وفي إيده حكايه
وحكاها وقال
عكازي على طول ويايه
في يمين وشمال
والشال ده فرشه وغطايه
ينفع في الحال
والدنيا بتلعب ويانه
زي لعب عيال
وبنرقص رقص الخياله
وانا مش خيال
أنا ويا الماشي ومع ناسي
وعصايتي وشال
...............
أبو شال
بقلمي هلال البنا
ليست هناك تعليقات:
إرسال تعليق