هلال البنا
ضلمه ونور
............ خش وزور
يالي جاي وعليك الدور
قيد الشمعه تنزل دمعه
والمذكور عبد المأمور
خد تصريح
..........في القبه ضريح
شيخ مقبور وحواليه سور
ممنوع حد يخش صريح
إوفي ب نذرك
............. واذكر عذرك
هات منديل وامسح في الديل
دوس عالضلمه وعدي برجلك
قيد النور وحط بخور
كدب في كدب
.......... وزور في زور
ولآ فيش حد عارف المستور
.......... ولو حبيت تلف وتدور
تلقى كلام في الزور محشور
........وخبي ديلك يا عصفور
بين الضلمه وبين النور
...................... خش وزور
واطفي النور
و المذكور عبد المأمور
.......مطلوق لكن جوا السور
خايف يبقى الباب مكسور
........ويبان فيه كل المستور
ضلمه ونور
......... ....... خش وزور
وإيه العيب تكون مقهور
تتمتع واتعيش طرطور
وتكون نكره ومش مشهور
زي كتير واقفين في طابور
ناس في الضلمه
وناس في النور
وناس ماشيين
................. على كدب وزور
كله هايبصم عالمسطور
علشان ياخد كام دبور
والدبور طالع محصور
وقليل مش هيكفي سحور
لما نصوم ما نلاقي فطور
......... . حزن وزور في الضلمه ندور
يسلم عمي الشيخ حنطور
......... صاحب رأي وكان مشكور
وكل كلامه في المحظور
......ونفس الفتوى الشيخ دعدور
لما خبطها في الحنتور
......... وبعدها قالوا كان معذور
ضلمه ونور
خش وزور
خد تصريح في القبه ضريح
.......... ولازم الكل يلبس كستور
خش في وسط الزحمه وسيح
.......... ليه هاتلف وليه هاتدور
واضح مش محتاج توضيح
..........وخلي بالك م ال عصفور
ناس في الضلمه وناس في النور
................ وناس في الحزن
وناس في سرور
وكله كلام في الزور محشور
........... .ضلمه ونور
خش وزور
علشان يوم ترجع مجبور
........ يمكن تحلم ببنات حور
وللا في البيت المعمور
.........وادعيلنا نطلع ونزور
ونرجع بالحج المبرور
...........ذنب يارب يكون مغفور
ندر عليا لارش عطور
ضلمه ونور
............خش وزور
ولما دخلنا ورشينا حنه
...........وكنت فاكرها هتكون جنه
وبساط ريح طاير وشايلنا
...........بس الحاصل واللي جرالنا
م الأموات ولا حد سألنا
.......شيخ بس مات ضمن الأموات
والصاحيين بيقولوا عقبالنا
ضلمه ونور
.............. خش وزور
قبه إزاز ومرايه بلور
.....هاتشوف نفسك من غير نور
وخيالك بيلف ويدور
.........في الملكوت زي المسحور
واللي يقولك شوفت يابختك
.........دانتا بقيت في السما مشهور
ضلمه ونور
........... خش و زور
يالي جاي وعليك الدور
خد تصريح في القبه ضريح
............ شيخ مقبور وحواليه سور
ممنوع حد يخش صريح
...............قيد الشمع وحط بخور
نزل دمعه زي الشمعه
لو بالكدب تكون مشكور
............ ولو بالزور هاتكون معذور
ضلمه ونور
...........خش وزور
هلال البنا
ليست هناك تعليقات:
إرسال تعليق