وقفت بجانبي..
-------------------
وقفت بجنبي و إيدها عا خدها
وحدها و ما خَبَّـرِت شو بدها
وقت الظهر تقريباً و ترم الغدا
وسواس راسي قال بدو يشِدها
وردة بإيدي ملفلفة بعطر الندى
وهبتها ياها تا إكسب ودها
وصِل تَنهيدِة تواصل عالهدا
و هِـيي على الوردة إيدبها تمدها
وسط هذا الموقف عْليي بَـدا
وَهج عاطفتي و حناني و كَـدّها
وَلَّـعِت فيي شوق كاين عا حِدا
ورثتو بمراهقتي الما عرفت حَدها
واجَهت.. لا ما اقدرت إتحمل ردى
واضح ما بدي عن شعورا صِـدها
وثَقِت فيها و قِلِـت بدي واعِـدا
وجهاً لوجه و مين بدو يردها
وعدي لإلها بيوم أحمر قاصِـدا
ومضة غرام و سهر تِطلع قَـدها
وضعي لأبعد حَد بطيورو شدا
ولما وصِلت و جيت إمسك يدها
وعِيت من نومي طلِع حكـيي سُدى
وسادة الأحلام كانت خاليـة
و ما عرفت منها مزحها من جَـدها
الشاعر… د.علي مسلم عجمي
لبنان
ليست هناك تعليقات:
إرسال تعليق