حلوي مثل باقة ورد ...... لمتها ايد رسام
أو طير بحلاتو انفرد ...... وبحضن الحلاوة نام
أو صبح بي حبا انوعد ...... وغرق بعشقا وهام
شو كبيري يا إم الدني ..... وما أعظمك ياشام
حلوي مثل وردة دفا ...... طلعت بليلة برد
أو مثل شي حمامة وفا .... وقفت بوش الفرد
أو حسون غنا وما غفا ..... وبألحانو ملا الجرد
قلن ماعارف أوصفا ..... عظمة بلد كالشام
كل الورود البدني ...... حلمت بحضنا تنام
جوري وفل وسوسنه ..... وربيع مع أحلام
والياسمين عمرو هني .... حلا وجع أيام
قلن إلي عز الدني ...... وعز الدني بالشام
د. جوزيف رداح
ليست هناك تعليقات:
إرسال تعليق