/ ريحة فرج / محكي
الحلم الهني الميمون مشوارو ابتدا
ريحة فرج بتفوح بالعام الجديد
عليكي الفرح والخير يا شام اهتدى
وماشي معك هالحلم عالدرب السديد
وقبل العمر ما ينتهي ويرحل سدى
قومي معي تنفوت عا بيت القصيد
نكتب غزل ع شفاف مابتشبه حدى
ونقطف شهد معسول بالعيد السعيد
بلون الأماني نزيّن تياب المدى
بلغة السلام نترجم الحل الوحيد
ليكي القمر يا شام جايي ع الهدى
يعزف على أوتار شريان الوريد
أنغام حب جديد زريابك شدى
غنّي افرحي جنّي ارقصي بهالعيد
تيصير لحن الحب موسوعة صدى
ونحنا سوا جايين في معنا بريد
باقات فل مشكلة بالياسمين
تنعايد بأحلى ورد أم الشهيد .
- عيسى فضة -
ليست هناك تعليقات:
إرسال تعليق