محكية غزلية.. للمبدعة إنصاف قرقناوي

محكية غزلية 

حبيبي صاير ب/حبي اناني..

ورده حمرا و غنيي حلوي هداني..

قلي اياكي لحظه تبعدي عني..

حبك يا كل الدني..

 ب/بحور الهوا والله رماني..

 

وجودك زينلي حياتي..

و خلاني إعشق زماني..

إنتي الأميرة و القمر..

 و شمس الصبح..

ال/ نورت وقتي و مكاني..

ياللي حبك بنار العشق كواني..

و من نبع حنانو غرف و سقاني..

هواكي غلغل جوات ضلوعي..

و فجأة زلزل روحي بثواني..

ضلك يا عمري قبالي..

يا ملاك بصورة إنساني..

ياللي نبضك ارتبط بنبضي..

إسمك يا حلوتي صار عنواني..

انا العاشق الولهان..

و إنتي بمهاره سيطرتي عا كل كياني..

ب/حبك تا يخلص هالعمر..

و رح ضل اهديكي احلا الاغاني..

إنصاف قرقناوي