شاب الزمان وختيروا رجالو
صار الفقير ينام ع خيالو
وصار الحزن يسكر ع آه الناس
والجوع بلّش يأكل بحالو
حامل إشارة بتعلن الإفلاس
وبنك الحياة بينسرق مالو
ما عاد بسنينو العمر ينقاس
وكتار منّا بهالدني قالوا
ياريت لو يرجع عصر جسّاس
ويرجع مع الزرياب موّالو
ويلمع فكر عباس بن فرناس
مع سيف عنتر مع بني هلالو
وصوب الشعر بيعود بو النواس
وكرم البساطه يعود عرزالو
بعرف الياريت ما إلها أساس
الزمن معروف ما بيرجع رجوع
ولا بيرحم الواقف معو حالو . عيسى فضة
ليست هناك تعليقات:
إرسال تعليق