/ بالمفيد المختصر / محكي
قالت حبيبي طلعت برّات الأصول
تمرّك خطايا خارج المعقول
هدّي ياغالي ما بقي منّك أثر
من يوم صرت بمطرح المسؤول
نسيت الغزل والحب عاضو القمر
قلبك قسي وعنّا صرت مشغول
متل الكأنو صار قلبك من حجر
ما عاد فيي إسكت ورح قول
صاير ع كاس وطاس عشقان السهر
حكيك حلو ومنمّق ومعسول
بس الحقيقه وبالمفيد المختصر
عندك فعل مبني على المجهول
بعت الضمير بسوق أوجاع البشر
وفاعل صرت عم تاكل المفعول
اسمعني بقى واسماع مني هالخبر
ما عاد وضعك يا حلو مقبول
يا بترجع من جديد وتعيد النظر
تمحي الخطايا تغربل المحصول
يا تضل عن قلبي إنت معزول . عيسى فضة
ليست هناك تعليقات:
إرسال تعليق