الشاعر حج هلال
،،،،،. ،،،،،،. ،،،،،،
محبوبة وسكرها نبات
عسولة وزي الشربات
مين زيها وجمال حسنها
كحلتها شاغلة الألوفات
والملايين شمال ويمين
عينهم من محبوبة بالذات
حوليها رايحين جايين
ياحلاوة ست الستات
دي عروسة وم العين محروسة
بصالها عيون الخوجات
بسبوسة وتستاهل البوية
وعسلها شهد المليكات
محبوبة جميلة الجميلات
سنيورة وشاغلة الكاميرات
حبوها كل اللي شافوها
وم الغيرة هتموتوا يابنات
محبوبة. حلوة وحبوبة
والدنيا كلها مقلوبة
علشان سنيورة وأمورة
وراضية وبتلعب كورة
ولا جليد عندها ورطوبة
والصيف زي أمشير وطوبة
محبوبة آية وأعجوبة
وحروفها في كتاب مكتوبة
عسولة وسكر شربات
والكحلة شاغلة فتوات
جدعان من هنا و منهم أنا
محبوبة زينت الجميلات
وحواجب مرسومة عجايب
ليه عينكم منها يا أجانب
وشفايف والكل آهو شايف
وعسلها في النهر السايب
محبوبة وسكرها نبات
عسولة وزي. الشربات
ليست هناك تعليقات:
إرسال تعليق