محكيّة غنائيّة.
حلم مسروق..
مبارح نمت حلمت وشفت..
أم عيون الدبلاني
فرحت ضحكت وقمت كتبت..
ليها عشر غناني
فيها بحت كتير شرحت..
شو بقصد بالمعاني
ولما صحيت دمعت بكيت..
كانت حدي غفياني.
رجعت ندمت قفزت حلفت..
ما خلي قلبي يعاني.
الكاسه جبت سكبت شربت..
عبيت الغرفة قناني.
سْكرت شردت افكاري عصرت
طار الحلم بثواني.
الظاهر إنو بالأحلام
أحوالي كلها تمام
بس الواقع يا حرام
كلو تعتير وأوهام
حتى عدّاد الأيام
عندو الهم كوام كوام
صرنا نحلم إنو نّام
ونصحا باليوم التاني.
.. محمد عزو حرفوش.
ليست هناك تعليقات:
إرسال تعليق