انا والضمير
=====
عيشت طول عمري
بضمير
وقت ما كنت غني والا فقير
منا عيشت حجات كتير
كنت احاسب نفسي لما بغلط
وافرح لما اشوف حد فرحان
وازقطط
كنت صادق في الكلام
حتى مع الناس اللئام
علمني عبد الناصر
اسرح ورا الاحلام
واشوف وطني العربي
حر
من المحيط لما الخليج
ومن كلمة اسرائيل
اتعصب و اهيج
والعن كل الصهاينه
مكنتش الدنيا قدامي
باينه
كنت سازج قول عليه
او عبيط
وللحق كنت افزع
ومن الباطل اشيط
كنت طيب
وكنت اصدق
اي ضحكه في وشي
واقول داطيب
وعلى كل مسكين
دمعي كان قريب
كنت وكنت وكنت
والنهارده لما كبرت
لا كبرت ايه
قول لما شيبت
ابتديت افهم شويه
عرفت الفرق مابين
ضحكه صفره
وبين ضحكه غبيه
وضحكه
من بين السنان
ملهاش هويه
والضمير
اللي كان دايما تاعبني
نام شويه
وعرفت غلطتي
لما سيبت اللي حبتني بضمير
ولما سيبت ابن الغني
وصاحبت ابن الفقير
واني لازم اكون
علي طول غني
لانه مكروه الفقير
وبصراحه
اتعلمت اهرب م الضمير
يعني ممكن اكزب ممكن
اعمل شئ خطير
وانام مرتاح الضمير
لكن للأسف
لما اقوم اصلي الفجر
يرجع يعاتبني الضمير
وارجع افكر في العروبه
واصاحب الغفير
واقول طز في الوزير
====
بقلمي
بهاء محمود محيسن
٣١/١٢/٢٠١٨
ليست هناك تعليقات:
إرسال تعليق