انتــــي ...و .... النيـــل
"!"!"!"!"!"!'!"!"!'!"!"!"!"
إنتي والنيل ..
بتجروا ف عروقي
وَلَّا دمي فيكوا بيسيل
مااعرفش
ملعون ابوك ياجوع
يامعشش ف الضلوع
وساكن ف القلوب
وسادد الودان
وخانق الدموع
ملعون ابوك ياجوع
يااااااه ..... ياه
ياحضنك الضمة
والليل والصحاب
والعشق
واللمة
كل الاوراق ..
مهمة
وسؤال جوايا
بيلح
ايه اللي
فاضل مني
ايه اللي
فاضللي
غير شوية عرق
بملح
ياقلب يامجنني
وٱه يانا
من سحر عنيكي
بالاقيكي
عنقود ممدود
ضامم على صدري
يدخلني صوتك
الشفق
ارسم عنيكي
ع الورق
تقفلى شبابيك
زحمتك
وويا الريح والنَفَسْ
يدخلوني
عيونك
امشى
حافظ خطاويا كل
اسفلت الشوارع
وكل الفتارين حافظة
حسرة عيوني
وانا راجع
فاقد الوقت والهوية
#بقلمى@سيدعبدالغنى عبدالصمد
ليست هناك تعليقات:
إرسال تعليق