مش هقولك انى بحبك اكتر من الدم فى عروقى
مش راح اندم ولا عمرى هندم فى حبي ليكى
ما انتى ياما سهرتى جنبي فى مرض وفى مذكره بتساعدينى
مهما قولت ومهما عدت مش ممكن اسدد ليكى دينى
معلش يمكن كنت احسك تكرهينى
معلش كنت طفل لما كنتى بتضربينى وتعاقبينى
مقدرتش افهم موقفك الا بعد ما مرت بي سنينى
معادله صعبه وقتها بس عارف انك بتعشقينى
متضحكيش عليه وانا ببكي اصل دى دموع حنينى
ما يقول عيد الام ولا عيد ربيع
انتى كل يوم اشوفك هو عيدى
ما انا اشتريتك من غير مهر
علشان تخدمينى
مادفعتش حتى مليم فيكى من عرق جبيني وبرضوا بتحبينى
ماهو ابقى قليل الاصل لو ما شيلتش جزمتك على جبينى
معلش ياما اصل الزمن ملهينى
معنديش اللى اديهولك الا عينى
متحرمش العمر منك ودايما بالدعاء افتكرينى
مهما حصل منى وكنت اسي عليكى عارف قلبك كبير ياعينى
مشكلتى انى عنيد وبحبك لكن حبك هيفضل فى عينى
د.محمد ابراهيم الخضري
ك.م.19
ليست هناك تعليقات:
إرسال تعليق