عيات البغلة
عيات البغلة
من السير
فوق ظهرها
قنطار شعير
فوق ما جاعت
المسكينةتمد عنقها
لشوك لحمير
طول النهار
لحفير و الدمير
كل ما سولوها
تقول انا بخير
وايلي شحال قدك
ماتصبر يا لعشير
وتغمض عينك
تولي كي لبصير
الصبر يدبر
رد بالك
واحسن التدبير
الناس غلبانه
ما لقات ما دير
اعدل أو فرق
الشعير يعم الخير
ماشي الخيل تاكل
والتبن للحمير
ياك مرعى واحد
والربيع وفير
ساوي قاد الميزان
كي لغني كي لفقير
الى بغيتي ياخويا
مايطرا باس
إوا دير الخير
حميد النكادي 31/07/2019
ليست هناك تعليقات:
إرسال تعليق