لا تسافري ولاتبعدي عنّي
ولا تتركيني ضل مستنّي
بكره إذا رجعتي مبقدر عود
الايام عمتفلَّتوا منّي
ضلِك بقلبي مثل طفل زغير
ضللي مثل عصفور ما بيطير
بكّير يا عمري الحلو بعد بكّير
لتودْعيني. وتبعدي. عنّي
ضلِك معي نرسم على الحيطان
بريشة فرح وبأجمل الألوان
في غرفتك. بخلّي ورد نيسان
وعصفور عا شبّاكها يغنّي
انرحتي مبعرف كيف بدّي نام
أو كيف بدّي عاتب الاحلام
بعدك إذا بتمر هالأيام
مبيسألوني بيسألوا عنّي
يا كل عمري ويا سنين السعد
ما أصعب منلموت غير البعد
إن كان رحتي وما حفضتي وعد
شيلي سهام محبتك منّي
صالح ابو عاصي
ليست هناك تعليقات:
إرسال تعليق