معلّم الحب/ محكيّة
ما تفتكروا إنه الحرب،
بتقدر تحبط عزيمة
لبنان معلّم للحب
للرّاحة والسّكينة
رح نرسم فرحة من جديد
عكل وجوه الحزينة
رح نغزلك ثوب العيد
نعبّي أرزاتك زينة
حجارك نبني ايد بإيد
بحنينك وبحنيني.
ما تفتكروا إنه الحرب
بتقدر تحبط عزيمة
نحنا بوج الريح قلاع
نحنا بوج السيف سباع
بالحرب جنودك يا بلدي
وبسلمك نحنا الدّفاع
للغاصب كنّا الجّلّاد
للظلم والاستبداد
بدمنا نحمي ترابك بلدي
نعبيها بيوتك فرحة
ونرميها تياب الحداد
ما تفتكروا إنه الحرب
بتقدر تحبط عزيمة.
بلدي يا حجر الصوان
بلدي يا تحفة فنان
بلدي للنصر عنوان
بلدي محبة وعنفوان
مرفرف علمك بالعالي
مرصّع ألماسه غالي
بتضل بفكري وبالي
مهما بعدني الزمان.
ما تفتكروا إنه الحرب
بتقدر تحبط عزيمة.
عبير عربيد
ليست هناك تعليقات:
إرسال تعليق