باللهجة المصرية
أنا مش شاعر ولأعرف أكتب الشعر
أنا جاني الشعر زي القضاء المستعجل
صحيت لقيت أن دا أبويا وان دي أمي
حبيتهم وارتبطت فيهم زي ما ارتبط فِي فن الكلام ،
لكن أزي أنا معرفش ، فجاءة حسيت اني بحبهم
ويمكن بديت أحب اكتب الشعر
بس أنا معرفش كيف ومتى عرفت
اكتب الشعر
الحياة حلوة مع أمي وأبويا وبين أحضانهم
وكمان حلوة وجميلة بين أبيات الشعر
أهي عيشة جميلة وحلوة والسلام
لما تشوف أبوك وأمك معاك
وكمان تشوف جمال أبيات الكلام
الحياة حلوة لما تكون بين أحبابك وناسك
وحلوة لما تشوف إنك تغرق في بحور الكلام
هي حلوة لما تكون معهم وبينهم في أمان
ووحشة لما تشوف نفسك وحيد بين الأنام
فجاءة زي القضا المستعجل يروح منك كل حاجة
في لحظة ممكن يروح ابوك
وبين إيديك في شهقه تروح أمك
ويمكن في لحظة تروح منك أبيات الكلام ،،، بقلم زياد محمد
ليست هناك تعليقات:
إرسال تعليق