محكية غزلية... للمبدعة إنصاف قرقناوي

محكية غزلية..

صدى صوتك حبيبي جايي من بعيد..

بسمعو و بسافر معو..

و بتخيلك..

هالل عليي متل البدر بليلة عيد..

بغمرك و بتأملك..

بعانقك و بعاتبك..

و إنتا بكلمة بتمحي الوجع..

و بتقللي مشي معي..

ت نعيش العمر من جديد..

بحلفك بعيوني..

ما يوم عني تغيب..

و من السما بتقطف نجم..

و بتحيكو متل العقد..

بتحلف يمينك بالوعد..

بإيد بتخبي العهد..

و بتشبك نجماتك المحيكي ع تاني إيد..

و علينا بيضوي القمر..

و معو شو بيحلا السهر..

و بصوتك الحلو بتغنيلي موالك..

و أنا بصوتي يا حبيبي من وراك بعيد..

إنصاف قرقناوي