الله يسعد صباح الجميع بالخير والبركه والسلامه..
...........شوية عتابا...........
وكلمة عتابا جاءت أصلها من العتاب.....بين الأصدقاء..
...............................
دعيني دوزن اوتاري (وعودي)
جبيلي الورد ياعمري (وعودي)
أنا صادق بتنفيذي ( وعودي)
لغيرك هالقلب سكر الباب
...........................
سحرني ورود أحواضك(.ودارك)
فؤادي بالهوى حبك (وداريك)
وإذا ريح الصبا لفك ( ودارك)
قوليلو يتجه صوب (الحباب)
...................
حبيب القلب قرب الدار( وحداي)
سمع صوتي بغناني الحب (وحداي)
أنا عيش ياروح الروح( وحداي)
تعالي واسكني بقلب اللي ذاب
..................
سحرني خصرك الضامر (ونهديك)
اطلبي هالموق من عيني وانا (اهديك)
وإذا تهتي عن دروبي وانا (اهديك)
ع درب محبتي وافتحي الباب
................
جواهر حبنا فرطت( تعى..لم)
وإذا جاهل عن فنوني (تعلم)
وأنا كل يوم ببعثلك (تعاليم)
لحتى تحفظي نصوص الكتاب
.........................
د.فهد كرباج ام الزيتون السويداء
سوريا..في..16...3..2021
ولكم كل الإحترام والود والتقدير
ليست هناك تعليقات:
إرسال تعليق