أسعدتم مساء" أيها الأصدقاء والصديقات عسى أن يكون مساءكم سعيد
.............عتابا...وزجل.............
أنا حيران بعيدك ( وعيدي)
سهير الليل عم أذكر (وعيدي )
ارجعي ع.دفتري إقري( وعيدي)
سنين الماضيه بقلب الكتاب
.................
هرب هالقلب من صدري وعاد (ليك)
بوفا منو رسم خطه( وعد...ليك)
انصفي المحزون من فضلك
(وعدلك)
وتعي تانعيش إيام الشباب
...................
ترى هالقلب عم تلهب( حمامو)
وسلامو..صار طاير مع( حمامو)
إذا المحبوب بداخل (حمامو)
بعني ميجنا وينشد عتاب
..................
غمزني وراح هالغالي (بعينو)
ع.صدق محبتو الله (بعينو)
لوإني حاكم واحكم (واعينو)
أمير الحب يلغيلي العذاب
...............زجل.................
عيوني بترقب طلاتك بيتك بتزور
وعم تستنى مجياتك من خمس شهور
صابر ع.ظلمك صابر أنا مجبور
إشلع هالقلب الفاير من فوق النار
....................
قلبي وقلبك مربوط بحبل الوريد
وإنت بتأمر وبتنهي مثل ماتريد
كل الأيام بشوفك كل يوم العيد
عم إفطر ع.همساتك وانظم أشعار
..............
ياسمره غطيتيني بورد المنثور
وعطرك إنتي منحتيني من قلب زهور
صارلي شهرين بستنى وراسي مخمور
وحياتك ماعاد عندي غير التذكار
...........................
د.فهد كرباج أم الزيتون السويداء
سوريا..في..11...3..2021
ولكم كل الود والإحترام
ليست هناك تعليقات:
إرسال تعليق