يخرب بيتو هالكريب
بيسدد عالصدر وبيصيب
بيبلش ....من عند الباب
من غير... اذن ولادستور
مابيعرف... شو الإحترام
كبير صغير....كلو بينضام
ست كبيره وطفل صغير
بينام سليم بيفيق مغدور
جاني والله... بنص الليل
رماني وما عد فيي حيل
خلصوا كل...... الليمونات
وكيلو من عسل الزعرور
اسبوع كامل. جوا البيت
إن حبيت..... أو ماحبيت
انفي جاري ...متل النيل
وضهري .....كأنو مكسور
جاري بيفهم ..بالأعشاب
وبيطحنهم عندو دولاب
إن بدك منو ...... وصفة
بدك تنتظر........... بالدور
بالصدلية........ متل النار
كل يوم .....رفع للأسعار
كلو بيحسب..... عالدولار
يخرب بيتو شو مشهور
(عافاكم الله وأبعده عنكم)
عبد الرحمن خضور
ليست هناك تعليقات:
إرسال تعليق