شكرا لدعوتي بينكم
احيانن احس بلروح
تمل من روحي وتجزع
مرات الگلب ياناس
يريد من الصدر يطلع
يعذبني ويمرمرني
وگله اهجع ولايهجع
گلي شبيك ياگلبي
تگضي العمر تتوجع
عليش تون توالي اليل
على ولفك المايسمع
ينام ومايفكر بيك
وأنا من النوم ما أشبع
أسألك هم يحبك حيل
مثل متحبه تتوقع
لوصابر تضن فديوم
يمكن للعشگ يرجع
أصور عشگم مات
نحمل بلنعش وشيع
كافي أرجوك مارايد
تگضي العمر ماتقنع
أريد قفله ذاكرتي
وفوگ القفل تشمع
مارايد يجي فديوم
ارجع للهوى واخضع
أريدك ماتذل الروح
أريدك حيل تشجع
بقلمى الشاعر محمد ياسين
ليست هناك تعليقات:
إرسال تعليق