خير مهاجر
،،،،،،،،،،،،،،،،،،،
كل نبي هاجر أو سافر
وسيدنا محمد خير مهاجر
بعد ماصابه وصاب أصحابه
تعذيب من مشرك أو كافر
هاجر ناس بالدين للحبشه
والنجاشي مسلم مش كافر
وباقي ويا نبينا فى مكه
بعض اصحابه والدين متحاصر
وأهل قريش وكفار مكه
دي قلوب قاسيه والنبي صابر
قابل حجاج عند العقبه
وعقد البيعه ويا إتناشر
وكلف مصعب نشر الدعوه
أسلم وياه سبعين راجل
سيدنا محمد جاتله أوامر
من مكه يطلع ويهاجر
خد بالأسباب وعمل خطه
وأمر علي بالنوم ف الغرفه
على فراشه ومكان راسه
ومعاه أمانات كفار مكه
والكفار واقفين على بابه
النبي حط على روسهم رمله
وراح النبي للصديق صاحبه
وقاله الخطه وأمر الهجره
نطلع كده من خلف الدار
وانبات ليله جوه الغار
والأغنام راح تمحي أثار
وأسماء تيجي بطعام والماء
وابنك ييجي بالأخبار
وابن أريقط يبقى دليل
ويورينا نمشي المشوار
عند الغار وصل الكفار
لكن ربك كان ستار
ويمشي النبي فى طريق عكسيه
وييجي سراقه طمعان فى الديه
أقدام فرسه تغوص فى الرمله
ويرجع يحلم فى سوار كسره
قرب سيدنا على المدينه
والأنوار ظهرت والزينه
والأفراح عند الأنصار
قالوا طلع البدر علينا
لما شافوا خير مهاجر
......................
بقلمي الحاج هلال في
خير مهاجر
ليست هناك تعليقات:
إرسال تعليق