عبد العليم ابو عبده
٢٢ ساعة ·
غلوا تسعيرة الحب
------------------
ورخصوا دقات القلب
وبقى تسالى يالب
وكل من هب ودب
اهو بيعشق ويحب
حتى لو خالى
وكله مبالى
وعايش من غير قلب
غلوا تسعيرة الحب
---------
غلوا تسعيرة الحب
خلوه خمره وكافيار
وخربت همساته الدار
ومعدتش له معيار
ولا حواليه اسوار
وكل اللى عايز يحب
بفلوسه ييحب ويقب
ولاعدتش خوف ولاذنب
غلوا تسعيرة الحب --
-------
غلوا تسعيرة الحب
وكل اللى معاه ومبربش
يقدر يحب ويفرفش
والعاشق الغلبان اندب
ف بحر الحرمان والكدب
وراح قلبه فطيس
رغم ان حبه نفيس
مات قلبه ف الحرب
وراح بلاش بلا ذنب
اصله فقير بيخب
غلوا تسعيرة الحب
------------
الشاعر \\ عبد العليم ابو عبده
كلماتى ومسجله باسمى
ليست هناك تعليقات:
إرسال تعليق