تمللي نعيش ----- للمتألق حسن الليثي

تمللى نعيش فى دنيانا ..

اللى ناسيانا .. وراميانا

بقسوتها .. فى سجن كبير ...

ونهرب منو ..فى دروبها 

وىدمينا كتير .. طوبها 

ونقضى العمر فى المشاوير ..

واشواكها اللى جارحانا 

والوانها اللى باهتانه

وزحمه وخوف .. وظلم كتير ..

 ندارى الحزن بإدينا .. وبالضحكه .. 

ويسكن دمع ف عنينا .. وفى السكه  

.. نبات والقهر فى ضلوعنا 

.. وسره ف بير  ..

ونشكيلها ..  تبكيتنا ..

وبسيوفها .. تسكتنا

وترمى الشوك فى سكتنا

ولسع النحل .. والدبابير ..

وتبنى قصور لاحبابها ..

ومليون سور على ابوابها .. 

عبيدها تدوس فى صوف وحرير .. 

وامتى الفرح هايجينا ..

ب رحمه وعدل يرضينا ..

وشهد  الحب يروينا ..

ونور الشمس يهدينا ..

زهور الوان.. رحيق وعبير  ..!!

.........................

   حسن الليثى 

.......................