المرأة.... للمبدع عاطف احمد عامر

المرأه
--------
المرأه إنسانه بشر يفرح ويحزن
وحاجات كتير ممكن تأثر فيها
وممكن حاجات فعلا تكون بمثابه موت ليها
بس هى مش لوغريتمات ولا صعبه قوى
أنا بشوف إن المرأه لوحه جميله
محتاجه لفنان يعرف يرسمها بجد
هى مش مجرد جسد جميل وخلاص
جوهر المرأه
روحها اتعامل معاها كروح قبل ما تكون جسد
لو عرفت تتعامل مع روحها هتكسبها
لازم نتعامل معاها كجوهره لازم تتصان
هى مش مخلوقه علشان تتهان
ليه هى بتتراضى بسرعه
مش علشان هبله لا
علشان روحها جميله طيبه
وسكينه وطمأنينه وراحه لينا
ليه ما تكونش ملكه
اه والله كل راجل حاسس نفسه ملك
يلزمه ملكه خليها ملكه
لو كل حد فينا خلى أى ست تخصه ملكه هتيجى منين الجوارى
المرأه بسيطه يا جماعه بس نحاول نفهما
اديها هتاخد منها أضعاف وأضعاف الى هتديه
حاجات كتير ممكن تجرح المرأه
ياريت ناخد بالنا منها
فهى لم تخلق لتهان
ولكن لتكرم وتصان
-----------------------
عاطف احمد عامر