باب الروح... للمبدع عيسى فضة

(    باب الروح   )   شعر محكي
لمّا العشق
دقدق عَ باب الروح
رد القلب
ما في حدى راحوا
يا هالعشق
ما ضل غير جروح
والضو مطفي طار
مصباحو
لا ارتاح
يللي راح عم بينوح  
ويللي بقوا يا ليل
ما ارتاحوا
وقبل العشق ما يودّع
المجروح
والعندليب يودّع جناحو
قلّو القلب
لا تدق مش مسموح
هالديك غافي تخرسن
صياحو
وهالباب سبع سنين
مش مفتوح
مدري انكسر مفتاح
باب الروح
مدري وقع بالحرب مفتاحو .    عيسى فضة