صديقيَّةُ : ❤ صباح الخير يابُنَفسَجي ❤ ..👍
بقلم : 👍 : @ #الشاعر_صديق_ماجد_علي_
بْنَفسَجي :
كلْ يَومْ حَالِفْ ... إنِّي لَعِندِكْ ... رَحْ إجي ...
وكلْ صِبِحْ بَكِّيرْ ... معْ طَلِّةْ شَمِسْ ...
مْنِعمِلْ شْوَيِّةْ حَكِي بالحُبّْ ...
شْوَيِّةْ غَزَلْ ومْغَانَجي ...
**** ❤ ****
كِيفِكْ اليومْ ؟ ...
انْشَاللهْ الحِزِنْ ما مَرَقْ ...
ولا حَدَا مِنْ حَبَايِبنَا قَلبُو احتَرَقْ ...
كِيفِ الحُبّْ ؟ ...
بَعدُو صَعِبْ عالقلبْ ...
وبَعدُو حَدَا عَامِلْ بَلْطَجي ...
ومِتِلْ فيروز بِتقِلُّو المَها : تَعَّا و لا تِجي ...
كِيْفْ دَمْعَاتِكْ ؟ ...
انْشَاللهْ بالعَدِّ الجَبِرْ قَلُّو ...
ولَّا الحزنْ عامِلْ مَعِك شْراكِةْ شغلْ بِيضَلُّو ...
ومِتلِ الفَرضْ كلْ يومْ فيهْ مْحَاجَجي ...
**** ❤ ****
بَعْدِكْ ... مِتِلْ بالأَمسْ عَمْ تِهدي الفَرَحْ ؟ ...
لَكلْ قلُوبْ ، عَبِّتْ حزن و تَرَحْ ...
ونَاطرَهْ مِنِّكْ ، بَصّةْ أَمَلْ ... الهَيئَه انجَرَحْ ...
**** ❤ ****
ياااربْ تِتْغَيَّر الأَحوَالْ ...
ويْرُوقْ عِنِدْ كلْ حَدا هَالبَالْ ...
وْيِلْعَب النَّاسْ بالسَّعَادِهْ ... متِلْ لعْبِ التَّلِجْ ...
بْفَرَحْ و لَطَافِي و مْبَاهَجي ...
**** ❤ ****
بقلم : 👍 : @ #الشاعر_صديق_ماجد_علي_
ليست هناك تعليقات:
إرسال تعليق