/ الأم والحقيقة /
فرس الحقيقة كتير شدّوا لجامها
وبنص كلمة أم شدّوا لامها
صار الألم يتعتّق بدن الشجن
والأم تشرب من خمر آلامها
بالفن حطوا التاء تا صارت فتن
وأم الخليقة تشرّدوا أحلامها
من روحها بتشيل تا تدفع ثمن
عمر الطفولة وتكبر بأورامها
من باب عرشو وقّف الرب وزرن
شاف الأمومة جوهرة أيامها
لفّا بوشاح النور وعليها ائتمن
بحبّو غمرها وزاد من إكرامها
قلّا بحنانك زهّري وكوني وطن
وكوني وحي أهل الدني وإلهامها
من يومها هالكون بالأم انسكن
بعطر المحبة يفوح ورد خزامها
صارت منارة حب عا مر الزمن
ونهر الطهارة منبعو من كمامها
ولمّا بتمرق أم عا جسر الوجود
بتطلع دني مطرح دعس أقدامها .
( عيسى فضة
ليست هناك تعليقات:
إرسال تعليق