محكية غزلية.... للمبدعة إنصاف قرقناوي

محكية غزلية..

بتأملك..

و بطلع بعيونك الحلوة..

و بسرح معك..

بسافر لمطرح بعيد..

مافي حدا غيرك معي..

بقلك حاكيني حبيبي..

مشتاق قلبي يسمعك..

بضمك بلهفة..

بخبيك عن عيون الناس..

ما بدي حدا غيري يقشعك..

بسألك يا ترى بتحبني؟

و بتقلي يا مجنونة..

انتي غرامي..

و دنيتي..

معقولة بعدك عم تسألي..

و بضحك متل طفلة شقية..

مشتاقة تدللا..

و بعانقك..

تنغيب عن الدني كلا سوا..

و باخدك لعالم بيشبهك..

و بلحظة لعندي برجعك..

إنصاف قرقناوي