وكل العمر والحب. أعطيتك
ومن الأعماق جبتلك هدية
ومن حب اللؤلؤ عملت بيتك
---------
مابقدر اتركك. وروح بعيد
شو بعمل اذا هالقلب بيريد
حلفت لزرعلك هالبحر ورد
وارويه مية حب بالتحديد
--------
البحر بعرفو خطر بالأعماق
وياما غدر عشاق بلا إشفاق
مسكي ايدي لنروح عالشط
بيكفي عناد حبي الك ترياق
---------
الله مزين هالكون... بالأزهار
وبصدق الحب تنمو الأشجار
خلينا بسعادة نمضّي هالأيام
إيدك بإيدي وغيرك مابختار
---------
عند الصبح نغني مع القهوة
الشمس تشرق علينا بخلوة
انتي ساحرة وأنا عندك أسير
حكميني مؤبد عندك النخوة
------
أنا مابدي غير العطف والحب
وأنا وأنتي دوماً سوا عالدرب
ولوكل الكون يوصفنا بالجنون
جنون الحب أكبر رضا من الرب
-------
(عبد الرحمن خضور)
ليست هناك تعليقات:
إرسال تعليق