محكية غنائية..
ع الماني دق الماني
كتير العيشه خرباني
بدن نترك هالبلاد
نهاجر ع بلد تاني.
القصة في شوية أوغاد
عم تتحكّم بالعباد
ضميرن جوّا البراد
متل وحوش الفلتانه/ي.
هلكتني جرّة هالغاز
برسايل متل الألغاز
إذا بتوصلّك إنجاز
حتى مانا مليانه/ي
يخرب بيتن هالتجّار
جشعن جنّن الأسعار
حطوا بنعشي مسمار
وقالوا موتك مجاني.
يا مراتي ديوني كترو
من مخي طالع بزرو
متل اللي راكب ميكرو
وفراماته/و عطلانه/ي.
تورّم مخّي من التفكير
خرم الإبرة بشوفو كبير
الشغلة صار بدها تدبير
من عند الله الفوقاني.
وضعنا فايت بالحيط
وبدن نقعد جوا البيت
بلكي نفطس عالسكيت
وبياخد وسام الجاني.
من بلدنا ما بنروح
يا روحي مابعدك روح
لو ملولي قلبي جروح
برجع ب ربيعي التاني.
.. محمد عزو حرفوش..
ليست هناك تعليقات:
إرسال تعليق