( عمى ألوان ) شعر محكي
بصابيع فكرو
كان عم يرسم صور
وكان النعس
موقوف عَ جفونو
متل الكأنو
كوكب الأرض اختصر
بلوحة
غريبة بتشبه جنونو
ريقو نشف
قام وشرب دمعة مطر
لمّا عَ قلبو كترت ديونو
فجأة عَ غفلة
فات عا بيت السهر
مطرح
ما كاس وطاس بيكونوا
معمي عَ قلبو
دعس برّات النظر
إسمو
انجرح وتكسروا فنونو
عربش عَ سطح
الليل تا يقطف قمر
تاري القمر
غافي ورا غصونو
تفركش بغيمة
وصار بيلمح البصر
يتدحرج ويوقع على ظنونو
ولمّا عَ وجهو طب
عا بالو خطر
يمحي
عمى الألوان بعيونو . عيسى فضة
ليست هناك تعليقات:
إرسال تعليق