شعر محكي (على دلعونا )
على دلعونا وعلى دلعونا
صبحنا عليكن ليش مابتردونا
ورود المحبة نثرتا بطرقاتك
بسام المبدع أنت ورفقاتك
دقيت بوابك لاسمع همساتك
ونغني ب سوا ونطرب هالكونا
يالله لنغني ونزيد الغناني
ونخلي العجايز ترجع جهلاني
صحيلي الصحبة البعدا غفياني
ويالله عالملقى الدرب من هونا
على دلعونا وعلى دلعونا
بشكي جفاكن لرب الكونا
حبابي هجروني دخلك ياربي
حنن قلبهن تيبقوا بجنبي
دخلك ياحبيب عاود لقربي
بدموع الفرقة عميت العيونا
ودلك دل دلك دلك دلعونا
خافوا من الله يالي تجافونا
وبسوا ربينا لمت حبايب
عن محبتهن عمري موتايب
ملقاهم جنة وبعدن خرايب
ورفقتهم ساعة بتضاهي الكونا
على دلعونا وعلى دلعونا
خافوا من الله يالي تحبونا
وعدتي وماجيتي وين بلاقيكي
سمرا ومزيوني نشفتي ريقي
تحت شباكك ناطر تتفيقي
هجرك دوبني يانور عيونا
أمي ياأمي حبيبي وينو
مسكر الهاتف مابيني وبينو
ان كنو متدين بوفيلو دينو
خافوا من الله لا تفريقونا
وعلى دلعونا وعلى دلعونا
عودة حبيبي بتسوا مليونا
.... رواد شحود
ليست هناك تعليقات:
إرسال تعليق