( خلّيك بالبيت )
الكورونا وحش مجهول البداية/ي
ونصّو واقع ونصّو دعاية/ي
من الأحلام يا هالناس فيقوا
إذا بالموت في عندو هواية/ي
ع بيتك فوت وابعد عن طريقو
تيمرق من وراك ومن ورايي
وخلّي الورد محجور برحيقو
القضية كتير محتاجة الرعاية/ي
شوف الكوكب جديدو وعتيقو
صفي مرعوب مفقود الهداية/ي
وعّي إبنك ونبّه رفيقو
الإرادة سلاح والإيمان غاية/ي
وعلى المعشوق ما يبوّس عشيقو
الحذر مطلوب عا قد العناية/ي
ولا تترك قلبك يصارع شهيقو
دواك البيت ياغالي ودوايي
وطنّا خايف علينا وفريقو
المطافي جهّزا بحكمة ودراية/ي
قبل هالكون ما يشعل حريقو
شملنا بكل أنواع الوقاية/ي
بيجوز الوقت حاضرنا بضيقو
لا تفزع ياحبيبي الفرج جايي
الأمل موجود عم يلمع بريقو
الكورونا صار ع حدود النهاية/ي .د.عيسى فضة
ليست هناك تعليقات:
إرسال تعليق