مشاركتي في الشعر المحكي ( على دلعونا )
=================
=========
مشاركتي (بالمحكي) ١
لما تركتيني وانت زعلانِه
طاروا عقلاتي وطلع جناني
دورت عليكِ تحت الرمانه
صرتِ تغنيلي على دلعونا
*****
قلتيلي بحبك مابقدر خبي
وحياتك حبك عشعش بقلبي
وإن كنت تركتك ماهو ذنبي
عيون العواذل عم يحسدونا
بقلمي : عبد الرزاق
(محكي) ٢
مابقدر قولك يلي مصبرني
عفراقك لما كنت مزعلني
بتتذكر وقت الكنت تدللني
كل القرايب صاروا يعادونا
*****
شو رأيك نهجر أهل هالضيعه
ونروح لدنيه مافيها صرعه
نعيش بمحبه ومابدنا رجعه
واللي يحبونا راح يلحقونا
بقلمي : عبد الرزاق
مشاركتي ( محكي) ٣
لما عزمتني الصبح عالقهوه
طاروا عقلاتي وفرحت الركوه
جيرانا كلهن سمعوا بالدعوه
طلعوا يحييونا من البلكونا
*****
قلتلها بحبك وحياة عيونك
خلي هالحكي بيني وبينك
أحسن عذالك ما يسمعونك
ويروحوا لأهلك ويفضحونا
بقلمي :عبد الرزاق سعدة
ليست هناك تعليقات:
إرسال تعليق