هجر الحبيب
حبيبي الغالي فل
وطول غيابو
وترك لي هون بيت
مخلعة بوابو
ورسالة تقول هون
هون رح بتضل
تنطر مصيرك دوم
يا حبيب الكل
قاعد على عتابو
عتاب بيت مهجور
لا ورود حدا
ولا زرار فل
ولا قريب وغريب
عليها يوم يطل
ولا هلال بالسما
بليالي موحشة يهل
شو اللي أنا عملتو
حتى عاني من الوجع
واليأس بنفسي يغل
وموت من العطش
من دون كلمة حب
فيها قلبي بل
وصدري اللي كان
يوم من الإيام
حضن يضمه
يصيبو ضتى وسل ؟!
معتر أنا بحبي
لكن ألله ال خلقني
واللي جلاله بجل
عني ما رح يتخلى
ولا رح يتركني
ألله ال عبدتو
راح ينقلني
ويحطني هونيك
على راس التل
ال منو شوف الدني
وشوف الحبيب ال كان
رايدني عيش بذل
راجع وحامل ندم
ويطلب بقلبي يحل
ونرجع نعمر دار
ونعيش فيها يوم
وإنعم بقربو
وتثبت بإن الحب
ما إلو نهاية
ومهما البعاد يطول
الخل بيبقى خل .............................
** مايكل حمدان
ليست هناك تعليقات:
إرسال تعليق