محكية حب.. للمبدعة إنصاف قرقناوي

محكية حب 

طل عليي بجمالو..

و لفتني بسحرو و دلالو..

سألتو مينك إنت؟ 

جاوبني القمر بحالو..

و دق قلبي كم دقه..

و ل/صوبو مال برقه..

و ل/قيتو على روحي فات..

و عيوني لحقوه بدقه..

كم ساعه و عن نظري غاب..

و يا ويلي ملا عذاب..

من بعدا أنا قلبي داب..

وآهاتي دفعت حقا..

شو هالإنسان الساحر..

خلا أفكاري تسافر..

لبعيد وتحلم إني..

راح حبو وجرب غامر..

والله إنو فنان..

و ب فنو شاعر و ماهر..

و على حالي أنا ضليت..

و بنيتلو جواتي بيت..

قلتلو تفضل يا أمير ..

ما بعمري غيرك حبيت..

و ب/يوم شفتو راجع..

بنور جبينو اللامع..

صار الكون قدامي..

أصغر من قلبو الواسع..

ضميتو و همستلو يا ريت..

من حبي ما تكون مليت...

ب/تسمحلي إسكن قلبك؟ ..

قللي ما عندي مانع..

من يوما هو حبيبي..

وحدو على عمري بيؤمر..

و قلبي السامع الطايع..

إنصاف غسان قرقناوي