........... حوارية مِنْ أجل مَثَل قديم ...........
الأشخاص
1--- المختار ... في مزرعته
2-- وبعض الرجال الذين يعملون في المزرعة
ومنهم من يقومون على الخدمات
في منزل المختار
3--- الشاهد الصامت
....................
المجموعة :
يامختار ، يامختار
وينك وينك يامختار
-- المختار :
شُوُ هَالْصَّيحة
شُوُ هالجَّمعة
شو هالضجة
هاتوا احكُولي
شُو اللي جَرَا ، وشو اللي صار
-- المجموعة :
يامختار عَجِّل عَجِّل
تعا تفَرَّج تعا شوف
-- المختار :
حيرتوني بأمري
ورح ينفذ مني صبري
يَللا قُولوا شو صاير
عَقلي مِن راسي طاير
-- المجموعة :
عِلِقنا بشغلة يامختار ؟
لا بتنفك ولا بتنحَلْ
الفَهْلَوي فينا رَح يحتار
-- المختار :
شو هِيِّ الشغلة شو هِيِّ
لاشُوف فِيِّ وما فِيِّ
-- المجموعة :
العِجل العِجل يامختار
-- المختار :
شو صَرلُوا قولوا بسرعة
قولوا بسرعة شو صَرلوا
-- المجموعة :
يامختار يامختار
قطع الحبل ودخل الدار
عَفَّس رَفَّس ،
حَطَّمْ كَسَّر
كُوُم جرار يامختار
وُبَعدَا تْعَثَّر
-- المختار :
كِيف تعَثَّر
-- المجموعة :
بْ كُوم حجار يامختار
-- المختار :
شُوا بَدُّوا يِعمل شُوا بَدُّوا
وصوب الكومة شو أخْدوا
-- المجموعة :
كان رايح يشرب ، قَصدوا
-- المختار :
يللا يللا مُو مِشكل
شغلة صغيرة وُبْتِنْحَّلْ
-- المجموعة
يامختار مابتِنْحَّل ولا لا حَلْ
العِجل العِجل يامختار
-- المختار :
حيرتوني
شو صرلوا
وماحدا فيكن حَلُّوا
يفَهمني حتى حُلُّوا
-- المجموعة :
الحكي بسرَّك يامختار
في جرة من بين الجرار
الْمَيْ الْ فِيها لا الزِنَّار
وُهُوِّ رايح تايشرب
عِصي راسوا بالجرة
-- المختار بِتَعَجُّب : عِصي راسوا بالجرة !!!!
إي وين المشكل .....
المجموعة :
مالقينا للمشكل حل
المختار : / بِزُهُوٍ وافتخار
مالقيتوا لِلمشكل حَلْ !
المجموعة :
حاولنا وما لقينا حل
المختار : / باستخفاف بِقِلَّةِ حِيلتهم
أَي روحوا قْطَعوا رأس العجل
المجموعة :
يللا يللا ياشباب
يللا نقطع راس العجل ؟
-- المجموعة : يامختار يامختار
-- المختار :
لك فَهِّموني شو بدكن
الله يخفي أثركن
-- المجموعة :
قطعنا الراس يامختار
وبعدوا عِصيان بالجرة ؟
-- المختار بِتَعَجُّب ....
وبعدوا عِصيان بالجرة ؟
اي شو هالشغلة
مااصعب كسر الجرة
كْسُروا الجرة وشيلوا الراس
-- المجموعة :
أمرك أمرك يامختار
يللا يللا ياشباب
يللا نُكْسُر لِلْجرة
وفي الطريق باتجاه الجَرَّة
-- واحد من المجموعة
هالمختار شُو عليم ُوشو حكيم !
آخر : كِيف فاتتنا هالشغلة ؟
آخر : يخرب بَيتو هالمختار
شو عِنْدو علوم وأسرار
آخر : شُو عبقري هالمختار
آخر : شو كان جرى وشُو كان صار
لولا وُجود المختار
........
.......
.......
يُرَدِّدون تلك العبارات وما شاكلها
وهم ذاهبون باتجاه الجرة كي يكسروها
لِيُحرروا رأس العجل .
...............
هناك وفي مكانٍ غير بعيد يقف الشاهد الصامت
يرى ويسمع ويسجل في مُذكرتهِ
إنطباعاته اليومية كشاهدٍ على فترة من الزمن .
.........ماجد المحمد ........
ليست هناك تعليقات:
إرسال تعليق