ياغايب
ياغايب والفرگه طالت
بغيابك الروح ذابت
مو دمعاتي المنّي سالت
عيوني المنّي أني الطاحت
كافي بهجرك معذبني
وبعدك والله محيرني
كل لحظه تنگص من عمري
ساعاتي بسنين صارت
لاتتصور يوم أعوفك
مهما الدنيا بيّا مالت
حتى بنومي حلمت أشوفك
بنص الحلم أشواگي هاجت
مرني ياخدود سمره
جمّرت بشفافي جمره
أحترگ وبالقلب حسره
روحي طير ومااستراحت
جنت غيمه وأنت صحرا
جنت شمعه وليله گمرا
وانت مثل رجفة برد
بضلوعي باتت
مرني ياعروگ الكبد
ياغصن بالروح انعگد
ياجبل وعليه استند
مهما الناس عليّ جارت
يانهر فايض محنّه
جفوفي طلبت يوم حنّه
بيّا وكت بيك ال يلمنا
ويبرد بجيتك آلمنا
ومانفرّح بفرگتنا شامت..
المحنّه=الحنيّة
نبطيّة فراتية /ماهر مشوح
ليست هناك تعليقات:
إرسال تعليق