( ياشجرة الميلاد )
ياشجرة الميلاد صرتي باختصار
شجرة وطن بالروح مزروعا
وجايي يسوع الحق عا كل الديار
يداوي جروح قلوب موجوعا
ويمحي الحزن من كل بيت ودار
عيون الطفولة يمسح دموعا
يبارك وطنّا سوريا اللي صار
للحب للأعياد موسوعا
ومع صهلة خيول الفرح والإنتصار
دعسة يسوع النور مسموعا
جايب معو بشارة خلاص وإزدهار
ع بيوت مش رح تنطفي شموعا
وبابا نويل عا ضهرو الهدايا كتار
بجعبة شمس ما بيخلص طلوعا
ياشام من بعد الصبر و الإنتظار
صرتي صبح من ليل عم يوعا
انشالله بمتل هالعيد بيفك الحصار
عن إدلب وطرقات مقطوعا
تا تلبس الفستان أبيض والخمار
مشغول من رايات مرفوعا
ونشرب سوا بها لعيد كاسك ياوطن
ونسكر تحت قوس المحبة يا زمن
سكرة عشق بالروح مشروعا . د. عيسى فضة
ليست هناك تعليقات:
إرسال تعليق