................... بقلمي الحاج هلال
وآه ياعيني تيجي أقولك
عالوجيعه
إيه حصللي وإيه حصلك
والفجيعه
كات مفاجئه وجاتلي فجئه
بس فظيعه
كنت نايم قلبي هايم
روح وديعه
في الهوامش عمري عايش
مش خديعه
وقلبي حاسس بالهواجس
كل جيهه
ماشي ناسي وسط ناسي
و العجيبه
راح معاشي للمواشي
وكات مصيبه
بس مصيبه جات غريبه
من حبيبه
ماشيه تاكل أكل قاسي
زي ديبه
ديبه سارحه بس جارحه
وعين كئيبه
قلب قاسي وراح مداسي
في الزريبه
حزن كافي ماشي حافي
وٱه ياخوفي
بس بصي إيه ظروفي
قومي شوفي
آه يا بختي وانت دوختي
لما خوفتي
آه ياخويا يابن ابويا
وإيه جرالك
فين وقوفك قبل خوفك
فين كلامك
كنت جارك وانت جاري
فين لسانك
والكمامه مين حاتطها
مع لجامك
إبني وابنك جنب منك
خللي بالك
وقول لست الحسن مين
زعزع إيمانك
توب وشال والبنطلون
ساترجمالك
والولاد شايلين حمول
الهم عشانك
فين عيالك راحو فين
وانتي المطيعه
والمذيع شمال يمين
زي المذيعه
والجميع عبد السميع
شروه وبيعه
والعجيبه الدنيا ليهم
مستجيبه
زي ماتكون الدنيا غابه
وللآ سيبه
صيف شتا وللا الخريف
يعمل ربيعه
هي دي كل الحكايه
والروايه
فلم ساقط فن هابط
والخديعه
قول يارب وتبقى دعوه
مستجيبه
واللي ماشي الكدب ليه
والصدق عيبه
كله جاي حسب الكلام
على الوجيعه
وآه ياعيني جيت أقولك
واشتكيها
همي طايل قلبي شايل
حب ليها
وهي ناسيه وللا قاسيه
مش لاقيها
مش معانا وفينها راسيه
و أي جيهه
شوفنا كان وفي المكان
حجات رهيبه
بس علينا الدنيا عاصيه
وليه كئيبه
وكان معانا الحاج هصيه
وعنده هيبه
لف بينا في كل ناصيه
والغريبه
بس لاقينا الحلوه ماشيه
بعد غيبه
جات وخايفه وهي عارفه
الدنيا سيبه
ناس خدوها ومش سابوها
وهي شيبه
بهدلوها ومرمطوها
وكات وديعه
قلعوها ولبسوها
هدوم خليعه
وعللي فينا واللي فيها
عالوجيعه
واللي كانلي وإيه حصلي
دي الفجيعه
والغريبه في المصيبه
من قريبه
................. الوجيعه
بقلمي الحاج هلال
ليست هناك تعليقات:
إرسال تعليق