/ سوا ربينا والميلاد /
بأحلى وطن قبل القمر ماينام
بلون الفرح يا عيد لاقينا
حملنا الأماني بجعبة الأحلام
وشموع وجينا عا سوا ربينا
بمولد يسوع نعانق الإسلام
بروح التآخي مدّينا أيادينا
تنعايد بعيد المحبة والسلام
أهل السوا ربينا غوالينا
- هالجامعة للمعرفة صارت وسام -
وصرح الثقافة من دواوينا
بريشة شذى من ياسمين الشام
ع بوابها . . . كتبنا أسامينا
وجينا نطيّر رفوف الحمام
ع سطوحها وتصدح أغانينا
- ونزرع فكر بديارها قمح الوئام -
تيزهّر الشعر الحلو فينا
بيناتنا تيضل عالي الإنسجام -
ويبقى أمير القوم راعينا
مع كل عيد وكل عام وعام
منعايد الغسان بن منصور
المتل القمر ضاوي ليالينا . عيسى فضة
ليست هناك تعليقات:
إرسال تعليق